Nahukay sa loob ng isang paaralan sa Cambodia ang mahigit 2,000 piraso ng lumang explosives o pampasabog matapos maglinis para sa itatayo sanang garden sa isang high school sa probinsya ng Kratie.
Kabilang sa mga nahukay ay ang 1,000 M79 na Granada na
ginamit noong civil war sa nasabing bansa simula 1960’s.
Temporaryo munang isinara ang paaralan para sa kaligtasan ng
mga estudyante habang sinisiguro pang wala nang maiiwan na pampasabog sa lugar.
Napag-alamang dating ginamit na military station ang area
bago nagsagawa ng bombing campaign ang Amerika hanggang sa nagtapos ang civil
war noong 1975.
Sinasabing ang bansang Cambodia ay itinuturing na ‘most
heavily bombed and mined’ na bansa sa buong mundo.
Tinatayang nasa 20,000 mga Cambodians ang namatay sa
nakalipas na apat na dekada dahil sa mga naiwang land mines at bomba sa
nasabing bansa. |
0 Comments