KAUNA-UNAHANG BILATERAL AMPHIBIOUS EXERCISE IDINAOS SA PAGITAN NG AFP AT ADF

 

Pormal nang nagsimula ang kauna-unahang amphibious exercise sa pagitan ng Armed Forces of the Philippines (AFP) at Australian Defense Force (ADF) 

Ayon kay AFP public affairs office chief Lt. Col. Enrico Gil Ileto, pormal nang nagsimula ang maneuvers sa flight deck ng Royal Australian Navy (RAN) landing helicopter dock HMAS Canberra (LO2) kasama ang Indo-Pacific Endeavor (IPE) 2023 commander Air Commodore Tony McCormack. 

Aniya, ang maneuvers, na kilala bilang “Exercise Alon 2023” ay bahagi ng IPE activities ngayong taon at kauna-unahang bilateral amphibious exercise sa pagitan ng Australia at Philippines. 

Layon aniya nitong mapalakas ang security, stability at mas malakas na ugnayan sa pamamagitan ng bilateral, at multilateral engagement training, capacity building at humanitarian efforts. 

Samantala nakatakda naman itong isagawa sa iba’t ibang training locations sa Northern Luzon Command at Western Command kabilang ang ground, aviation at surface assets mula sa ADF, Philippine Navy, Philippine Marine Corps (PMC), Philippine Fleet, Philippine Air Force, at Philippine Army na suportado ng USMC. |Ni Teresa Iguid