Binigyang atensyon ng grupong
Nalook, Pook, Caano, Estancia small farmers and home owners’ association
(NAPOCACIA) ang tungkol sa ipinangako ng gobyerno sa mga residenteng
naapektuhan sa expansion ng Kalibo International Airport.
Sa pahayag ni German Baltazar,
spokesperson ng NAPOCACIA, sa Radyo Bandera Sweet FM Kalibo, may mga tauhan
mula sa Department of Transportation (DOTr) na nag-iikot sa naturang mga lugar at
winawasak nito ang ilang kabahayan.
Napag-alaman ding binabayaran
ang mga tenant na nakatira roon.
Dagdag pa nito, tinatakot din umano
ang mga ito habang pinapaaway din ang tenant at landowner.
Sinabi rin nito na may isang
miyembro na nakaranas ng pang-harass ng DOTR at kinakasuhan ng may-ari kapag
hindi pumirma.
Dahil dito, naiipit silang mga
tenant sa mga pangyayari.
Binanggit din nito na wala
itong koordinasyon sa munisipyo dahil marami naman aniyang tumutulong na
ahensya ngunit paulit-ulit pa rin itong nangyayari sa kanila.
Matagal na aniyang ipinaabot
sa mga kinauukulang ahensya ang nasabing problema subalit wala pa ring solusyon
para dito.
Binigyang diin nito na puro
pangako lamang ang kanilang naririnig sa State of the Province Address (SOPA).
Kaugnay nito, nanawagan ito sa
gobyerno na gawin ang tama at huwag nang mangako.|
0 Comments