COMELEC, MAGLALABAS NG ANTI-VOTE BUYING
GUIDELINES
Ni Jurry Lie Vicente
Nakatakdang maglabas ang Commission on Elections
(Comelec) ng alituntunin para palakasin ang pangangampanya laban sa anumang uri
ng vote buying.
Sa isang pahayag, sinabi ni Comelec Chairman George
Garcia na tututukan ng ahensya ang mga altuntunin kasama na mga usapin na may
kaugnayan sa pera na ginagawa online ng mga kandidato sa panahon ng kampanya at
ng botohan.
Dagdag pa ni Garcia, pagtutuunan din ng Comelec ang
pamamaraan at iba pang mga pangyayari sa paglilipat ng pondo sa ibang
indibidwal.
Dahil dito, hihilingin din ng Comelec sa Anti-Money
Laundering Council na idirekta ang e-wallet companies na magsumite sa
commission transactions sa loob ng sampung araw ng panahon ng kampanya at
halalan na kadalasang ginagawa sa pagbili ng boto.
Samantala, sinabi ni Garcia na magsasampa sila ng mga
kaso laban sa mga posibleng sangkot sa mga ilegal na gawain.
0 Comments