BANGA PNP, NAGBABALA SA PUBLIKO HINGGIL SA OPERASYON NG
ILLEGAL GAMBLING
Ni Jurry Lie Vicente
Nagbabala ang Banga Municipal Police Station hinggil sa
laganap na operasyon ng bookies o Illegal na nagpapataya ng Number Game.
Ito ang ipinaabot ni PCPT. Benny Jones Mendoza, Hepe ng
Banga PNP, sa panayam ng Radyo Bandera Sweet FM Kalibo.
Aniya, hindi sila titigil sa pag-operate at pagpapatupad
ng anti-illegal gambling sa bayan ng Banga kung saan may mga panuntunan at
regulasyon na dapat aniyang sundin.
Dagdag pa nito, minsan aniya ay nagiging ugat ito ng
kaguluhan lalo na kapag hindi nababayaran ngunit wala namang masisingil dahil
iligal ito.
Nanawagan din ito sa publiko na itigil na ang iligal na
aktibidad gayundin ang pagtaya sa illegal gambling.
Matandaan na inaresto ng mga otoridad ang isang
nagpapataya ng bookies sa Brgy. Tabayon Banga kung saan narekober mula sa
subject ang marked money, illegal gambling paraphernalia, cotejo at perang
nagkakahalaga ng P1,050 bilang taya.
0 Comments