APPO, HINIKAYAT ANG PUBLIKO NA MAG-AVAIL NG LTOPF AND FIREARMS RENEWAL

 

APPO, HINIKAYAT ANG PUBLIKO NA MAG-AVAIL NG LTOPF AND FIREARMS RENEWAL

Hinihikayat ng Aklan Police Provincial Office (APPO) ang publiko na mag-avail ng kanilang programa para sa License to Own and Possess Firearms (LTOPF) at Firearms Renewal.   

Ito ang ipinaabot ni PSSGT Jane Vega ng APPO sa panayam ng Radyo Bandera Sweet FM Kalibo.

Aniya, nasa 400 slots ang binuksan ng APPO para sa mga sibilyan at kapulisan na gustong mag-apply at mag-avail ng nasabing programa.

Ito ay bahagi aniya ng kampanya ng Philippine National Police (PNP) para sa loose firearms.

Binigyang-diin din nito na isa itong one stop shop kung saan maaring iproseso ng isang aplikante ang mga dokumento kagaya ng neuro, medikal, drug test at iba pang kakailanganin para sa pag-apply ng LTOPF at renewal ng armas.

Sinabi rin nito na ang programa ay bukas para sa mga pulitiko, negosyante, private individuals at mga kapulisan.

Samantala, umaapela rin ito sa publiko na suportahan ang mga kapulisan sa pagpapatupad ng anti-criminality campaign sa probinsya ng Aklan. |Ni Jurry Lie Vicente