PERFORMANCE BONUS NG MGA GURO, IPINASIGURONG MAIBIBIGAY NGAYONG TAON

 

PERFORMANCE BONUS NG MGA GURO, IPINASIGURONG MAIBIBIGAY NGAYONG TAON

Ni Teresa Iguid

 

Ipinasiguro ni Budget and Management Secretary Amenah Pangandaman ang agarang pagpapalabas ng pondo para sa performance-based bonus (PBB) ng mga guro sa bansa, partikular sa mga nakapagsumite na ng kinakailangang mga dokumento.

 

Ayon kay Pangandaman, kinikilala ng kagawaran ang malaking kontribusyon ng mga guro sa bansa, kung kaya’t sinisikap nilang mailabas ang performance-based bonus (PBB), sa pakikipag-ugnayan sa Department of Education (DepEd).

 

Matatandaan na nuong Hunyo 27, naglabas na ang DBM NCR sa DepEd ng Special Allotment Release Order at Notice of Cash Allocation na nagkakahalaga ng P950,942,317 upang mabayaran ang 2021 performance-based bonus ng mga eligible na school-based personnel ng DepEd NCR Office.

 

Samantala, naghihintay na lamang sa ngayon ang DBM na mai-submit ng 15 na rehiyon ang kanilang nirebisang Form 1.0.