KAI SOTTO MULING IBINANGKO NG ORLANDO MAGIC SA NBA SUMMER LEAGUE

KAI SOTTO MULING IBINANGKO NG ORLANDO MAGIC SA NBA SUMMER LEAGUE

Ni Rio Trayco

Muli nanamang ibinangko si Kai Sotto ng kanyang team na Orlando Magic sa 2023 NBA Summer League na ginanap sa Thomas & Mack Center sa Las Vegas.

Talo ang kanyang kupunan kontra sa Indiana Pacers sa score na 108-85.

Nabatid na nasa lineup ang 7-foot-3 Filipino center pero nailista ito bilang DNP (Did Not Play-Coach's Decision) sa pangalawang straight game matapos din itong hindi makalaro sa Orlando laban sa Detroit Pistons.

Pinangunahan ni Andrew Nembhard ang Pacers na may 21 points, pitong assists, tatlong rebounds, at tatlong steals habang si Isaiah Jackson ay naka record ng double-double outing ng 13 markers at 11 boards.

Si Sotto ay isa sa 22 players na napabilang sa Summer League roster ng Magic na babalik sa aksyon sa Huwebes at makakaharap nito ang New York Knicks.