PAGLALARO NG LATO-LATO, IPAGBABAWAL SA LOOB NG KALIBO PILOT ELEMENTARY SCHOOL

PAGLALARO NG LATO-LATO, IPAGBABAWAL SA LOOB NG KALIBO PILOT ELEMENTARY SCHOOL

Ni Teresa Iguid

Ipagbabawal na ang paglalaro ng sikat na laruang “lato-lato” sa loob ng Kalibo Pilot Elementary School.

Ito ang kinumpirma ng Punong-Guro ng nasabing paaralan na si Allan Relloto, matapos ang naging obserbasyon na maraming kabataan ang nahihilig sa paglalaro nito.

Ani Relloto, layon nitong hakbang na mapanatili ang seguridad ng mga estudyante at maiwasang maistorbo ang mga klase dahil sa may kalakasan nitong tunog.

Nangangamba rin aniya ito sa posibleng epekto sa kalusugan ng mga batang maglalaro nito makaraang mapaulat na walang kasiguraduhan na ligtas ang mga materyales na ginamit sa paggawa ng produkto.

Sa kabila nito ay hindi naman aniya nila tututulan ang paglalaro nito sa ibang lugar.

Samantala ang sinumang mahuhuli na naglalaro ng lato-lato sa loob ng nasabing paaaralan ay aasahan na masisita at posible din na kumpiskahin ito.

Ang bahaging ito ay hatid sa inyo ng:

#D3BIO
#DTX500
#PURECEE
#DTXCOFFEEMIX
Mabibili sa lahat ng mga botika sa Aklan at sa Clinica De Alternativo Medicina and Wellness Center sa Refindor’s Building Osmenia Ave. Kalibo, Aklan

Naga bandera it minatuod – tuod nga serbisyo publiko ag kalingawan sa probinsya it Aklan, RADYO BANDERA!