NATURAL PARK NA MAKIKITA SA AKLAN AT ANTIQUE, IBINIDA SA ISANG DOKUMENTARYO

NATURAL PARK NA MAKIKITA SA AKLAN AT ANTIQUE, IBINIDA SA ISANG DOKUMENTARYO

Ni John Ronald Guarin

 

Ibinida sa isang mini documentary ang Northwest Panay Peninsula Natural Park (NPPNP) kung saan ibinandera rito ang isa sa natitirang mababang kagubatan sa buong Pilipinas.

Ang dokumentaryong “The Northwest” na gawa ng Aklan Trekkers Inc., sa tulong ng PhilinCon, mga kapwang non-government organizations, ang nanguna sa pagbigay ng impormasyon at kamalayan tungkol sa Northwest Panay Peninsula Natural Park na isang protected area na sakop ng probinsya ng Aklan at Antique.

Mapapanood sa dokumentaryong ito ang lahat ng mga detalye tungkol sa endanegered flora at fauna na makikita lamang sa naturang kagubatan.

Ibinida rin dito ang forest rangers ng PhilinCon na patuloy na pumoprotekta sa protected area laban sa mga armadong mandarambong na gumagawa ng iligal na mga aktibidad sa lugar at umaabuso sa yaman nito.

 

Ayon kay Richard Cahilig, co-founder ng Aklan Trekkers Inc., makikita sa kanilang iginawang dokumentaryo ang ganda sa loob ng natural park, pati na rin ang paninira na naging resulta sa aktibidad ng mga poacher.

 

Nais ng kanilang grupo na maipakita sa publiko ang natural na yaman at ganda ng Northwest Panay Peninsula Natural Park at ang kahalagahan ng pagprotekta nito hindi lamang para sa ikabubuti ng kalikasan, kundi para na rin sa kaligtasan at kabuhayan ng komunidad na sakop nito.

 

Mapapanood ang dokumentaryong “The Northwest” sa Youtube: https://www.youtube.com/watch?v=pV2o52jRbvc