‘SIBUYAS QUEEN’ AT MGA KASABWAT, PAKAKASUHAN NG MGA MAMBABATAS SA KORTE

 

Posibleng kasuhan ng mga mambabatas ang tinaguriang ‘Sibuyas Queen’ na itinuturong responsable sa pagtaas presyo ng sibuyas at gulay noong nakaraang taon.

Ayon kay Rep. Wilfrido Mark Enverga, lumalabas sa imbestigasyon na isinagawa ng House Committee on Agriculture and Food na maliban sa negosyanteng si Leah Cruz, may iba pang mga pangalan sa gobyerno na irerekomendang sasampahan ng kaso.

Ito ay matapos maungkat na nakipagsabwatan ang mga ito kay Cruz para i-hoard ang supply ng sibuyas na naging dahilan ng pagtaas ng presyo.

Bagama’t hindi pa naglabas ng pinal na desisyon ang komite hinggil sa imbestigasyon, sinisiguro nitong lahat ng isasampang kaso ay mayroong sapat na ebidensya.

Matatandaang noong mga nakaraang buwan ay umabot sa P800 pesos ang kada kilo ng sibuyas na pinakamataas sa kasaysayan ng bansa dahil sa kakulangan sa supply sa mga pamilihan.

|Rio Trayco 

Ang programang ito ay hatid sa inyo ng:
 
#D3BIO
#DTX500
#PURECEE
#DTXCOFFEEMIX
 
Mabibili sa lahat ng mga botika sa Aklan at sa Clinica De Alternativo Medicina and Wellness Center sa Refindor’s Building Osmenia Ave. Kalibo, Aklan.
 
Naga bandera it minatuod – tuod nga serbisyo publiko ag kalingawan sa probinsya it Aklan, RADYO BANDERA!