PAGSAGAWA NG SARANGGOLA FESTIVAL, ITINUTULAK SA BAYAN NG KALIBO

Ni Teresa Iguid

Itinutulak ngayon sa Sangguniang Bayan ng Kalibo ang pagsagawa ng saranggola festival sa nasabing bayan.

Nabatid na una na ring nagkaroon ng kite festival ilang taon na ang nakakalipas, kung saan may mga inupahang tao ang LGU na siyang in-charge sa pag gawa ng iba’t-ibang disenyo at matitibay na saranggola.

Sa kabilang banda, ipinunto din ng ilang miyembro ng SB ang ilang regulasyon ng Civil Aviation Authority of the Philippines (CAAP) na nagbabawal sa pagpalipad ng kahalintulad na bagay mula 4-8 kilometer radius.

Dahil dito, nakatakdang magpatawag ng committee meeting kasama ang CAAP, upang mapag-usapan ang sakop ng kanilang regulasyon at kung posibleng maisagawa ang naturang festival.

Samantala layon nitong saranggola festival na makatulong sa tourism promotion sa bayan ng Kalibo, na inaasahang dadagsain dahil sa nasabing aktibidad.

Ang bahaging ito ay hatid sa inyo ng:

#D3BIO

#DTX500

#PURECEE

#DTXCOFFEEMIX

Mabibili sa lahat ng mga botika sa Aklan at sa Clinica De Alternativo Medicina and Wellness Center sa Refindor’s Building Osmenia Ave. Kalibo, Aklan.

Naga bandera it minatuod – tuod nga serbisyo publiko ag kalingawan sa probinsya it Aklan, RADYO BANDERA!