NEWS UPDATE | SUSPEK SA SERYE NG PAMAMANA SA KALIBO, ARESTADO

Ni Jurry Lie Vicente

Arestado ang suspek sa nangyaring pamamana nitong Sabado ng gabi sa Purok 2, C. Laserna St., Kalibo.

Kinilala ang suspek na si Gio Cuales, at residente ng Purok 6, C. Laserna St., Kalibo habang ang biktima naman ay kinilalang si Christian Tugna at residente ng Brgy. Briones, Kalibo.

Batay sa iniyal na imbestigasyon, bandang alas 8:44 ng gabi habang naghihintay ang biktima ng pasahero sa kanyang tricycle nang bigla na lamang itong tinamaan ng isang improvised arrow ‘Indian pana’ sa kaliwang bahagi ng kanyang leeg.

Sinasabing ito ay mula sa motorsiklong minamaneho ni Cuales, na kaagad namang nakilala ng biktima.

Kaagad namang dinala ang biktima sa Aklan Provincial Hospital upang mabigyan ng atensyong medikal.

Sa ngayon ay nasa kustodiya na ng Kalibo PNP ang suspek para sa karampatang disposisyon.

Ang balitang ito ay hatid sa inyo ng:

#D3BIO

#DTX500

#PURECEE

#DTXCOFFEEMIX

Mabibili sa lahat ng mga botika sa Aklan at sa Clinica De Alternativo Medicina and Wellness Center sa Refindor’s Building Osmenia Ave. Kalibo, Aklan.

Naga bandera it minatuod – tuod nga serbisyo publiko ag kalingawan sa probinsya it Aklan, RADYO BANDERA!