ILANG LOCAL ARTIST NG PILIPINAS, NOMINADO SA SEOUL INTERNATIONAL DRAMA AWARDS 2023

From Left to Right (Kathryn Bernardo, Daniel Padilla, Dennis Trillo, Barbie Forteza, at Julie Anne San Jose)

Pasok na mga nominado ang ilang sikat na local artists para sa kategoryang Outstanding Asian Star ng Seoul International Drama Awards 2023 (SDA).

Kabilang sa mga nominado ang tambalang KathNiel (Kathryn Bernardo at Daniel Padilla); Barbie Forteza, Dennis Trillo at Julie Anne San Jose.

Pinagbidahan nina Daniel at Kathryn ang Kapamilya series na 2 Good 2 Be True habang sa Kapuso series naman na Maria Clara ay bumida sina Barbie, Dennis at Julia.

Kaugnay nito, isa sa mga nabanggit na nominado ang tatanghaling Outstanding Asian Star ng SDA 2023.

Nauna nang inilabas ng Seoul Drama Org na tanging si Kathryn lang ang nominado para sa nasabing kategorya ngunit nilinaw naman ito ng organizers na kasama rin sa nominado sina Dennis, Barbie, Julie at Daniel.

Sa kabilang banda, may ilan ding mga stars mula sa ibang bansa ang kasama sa mga nominado ng kaparehong kategorya.

Para sa South Korean, kasama sa mga nominado sina Song Joong Ki (Reborn Rich), Song Hye Kyo (The Glory), Park Eun Bin (Extraordinary Attorney Woo), Lee Je Hoon (Taxi Driver), at Yoona (Big Mouth).

From Left to Right (Song Joong Ki, Park Eun Bin, Lee Je Hoon, Song Hye Kyo at Yoona)

Sa bansang China, kabilang sa nominado si Dylan Wang, ang gumanap na Dao Ming Si sa 2018 drama series na Meteor Garden, at ang Love Between Fairy and Devil star na si Yu Shuxin.

Left to Right (Dylan Wang at Yu Shuxin)

Sa Thailand, nominado ang actor/singer/songwriter na si Nichkhun ng 2PM; sa Japan, sina Tsuyoshi Kusanagi at Kento Yamazaki; at sa Taiwan, si Vivian Sung.

Left to Right (Nickhun, Tsuyoshi Kusanagi, Kento Yamazaki at Vivian Sung)

Binigyang-linaw naman ng organizer na tanging mga celebrities ng kani-kanilang bansa ang nakatakdang maglalaban-laban.

Samantala, manggagaling ang resulta ng mananalo mula sa fan votes sa pamamagitan ng  Idol Champ app na magsisimula sa Hunyo 15.

Ang balitang ito ay hatid sa inyo ng:

#D3BIO

#DTX500

#PURECEE

#DTXCOFFEEMIX

Mabibili sa lahat ng mga botika sa Aklan at sa Clinica De Alternativo Medicina and Wellness Center sa Refindor’s Building Osmenia Ave. Kalibo, Aklan.

Naga bandera it minatuod – tuod nga serbisyo publiko ag kalingawan sa probinsya it Aklan, RADYO BANDERA!