2 MAGKAPATID NA PINAY, KABILANG SA MGA BIKTIMA NG PAGSABOG SA HAWAII

 

Patay ang dalawang Pinay sa nangyaring pagsabog ng fireworks sa Honolulu, Hawaii sa New Year’s Eve.

Napag-alaman na pawang magkapatid na Pinay ang naitalang patay sa insidente na kinilala kay Carmelita Turalva Benigno at Nelly Turalva Ibarra.

Kinumpirma naman ito ng pamangkin nilang si Rylan Benigno.

Nagdulot din ng mga sugat at kasalukuyang nasa pagamutan ang anak na lalaki at babae ni Carmelita, maging ang pamangkin at 3-anyos na apo nito dahil sa pagsabog.

Ayon sa mga report, naging dahilan ng pagsabog ang mga fireworks na inilalarawan ng mga awtoridad bilang “cake” o isang cluster ng tubes na naglalaman ng hanggang 50 aerial rockets.

Sa ngayon ay patuloy pa ang imbestigasyon sa nangyari.