Itinalaga ni Pope Francis ang isang Filipino missionary priest bilang isa sa dalawang bagong auxiliary bishops ng Archdiocese ng Melbourne sa Australia.
Ayon sa Catholic Bishops’ Conference of the
Philippines (CBCP), inanunsyo ng Vatican ang pagkakatalaga ni Fr. Rene
Ramirez at Fr. Thinh Nguyen bilang auxiliary bishops sa Melbourne Archbishop
Peter Andrew Comensoli.
Kasama nina Ramirez at Nguyen ang tatlo pang ibang auxiliary
bishops na sina Marti Ashe, Terence Robert Curtin at Anthony John Ireland upang
magsilbi sa 1.26-milyon na mga Katoliko ng Melbourne archdiocese.
Si Ramirez ang nagsilbing parish priest mula pa noong
2013 sa St. Mel sa Shepparton at Saint Malachy sa Nagambie sa kalapit na
Diocese of Sandhurst.
Ipinanganak si Ramirez sa Gapan City, Nueva Ecija noong Marso
1969. Pinasok nito ang congregation ng Rogationist Fathers of the Heart of
Jesus matapos ang pag-aaral sa primary at secondary.
Samantala, nagtapos ito ng kaniyang bachelor’s degree in
philosophy sa Adamson University in Manila at nagtuloy ng master’s degree sa education
management sa De La Salle University-Dasmariñas sa Cavite.
.png)
.png)
0 Comments