SINGLE KA BA? GUSTO MO NA BANG MAGING IN A RELATIONSHIP AT MAG-ASAWA NA MAY MARAMING DATUNG?

Isang distrito sa Busan, South Korea ang nag-aalok ng limpak-limpak na pera para sa mga single Korean at dayuhang indibidwal na nais pumasok sa isang romantic relationship at agad na mag-asawa at magkaanak sa kabila ng hinaharap na population crisis ng naturang bansa.

Ayon sa Korean media, nagsasagawa ng mass blind dating event si Saha para sa mga single na Korean at dayuhang indibidwal na babae at lalaki sa buwan ng Oktubre. Naaangkop ito sa mga taong nasa pagitan ng 23 at 43 ang edad na naninirahan o nagtatrabaho sa lugar.

Sinumang babae at lalaki ang agad na nagkatuluyan pagkatapos ng event ay bibigyan ng 1-milyon won (P42,000).

Kung magdaraos sila ng “sang-gyeon-rye,” o pulong ng mga miyembro ng pamilya (karaniwang inaayos bago ang kasal), bibigyan sila ng 2-milyon won (P84,000). Kung ikakasal sila, 20 million won (P842,000) ang naghihintay sa mag-asawa.

Magbibigay ng karagdagang suporta si Saha para sa kanilang titirhan ng hanggang limang taon, ayon sa Korean Times.

Napag-alaman na aabot sa 30-milyon won (P1.2-milyon) ang halaga na para sa housing o 800,000 won (P33,000) na monthly rent para sa limang taon.