OLYMPIC MEDALIST HIDILYN DIAZ, PANGUNGUHAN ANG MAGNIFICENT 7

 

OLYMPIC MEDALIST HIDILYN DIAZ, PANGUNGUHAN ANG MAGNIFICENT 7

Pangungunahan ni Tokyo Olympics gold medalist Hidilyn Diaz ang “Magnificent Seven” ng bansa sa nalalapit na World Weightlifting Championships na itinakda sa Setyembre 4 hanggang 17 sa Riyadh, Saudi Arabia kung saan kailangan nila kumuha ng qualifying points para makapasok sa Paris Olympics sa susunod na taon.

 

Bukod kay Diaz, bubuuin din ng nasabing koponan sina Tokyo Olympian Elreen Ando, ​​Asian and World junior champion Vanessa Sarno, John Febuar Ceniza, Rosegie Ramos, Lovely Inan at Kristel Macrohon.

 

“This is an Olympic qualifying event and we’re hoping for the best,” pahayag Samahang Weightlifting ng Pilipinas president Monico Puentevella.

 

Sa kanilang pito, sina Diaz, Sarno at Ceniza ang may pinakamalakas na tsansa na makapasok sa quadrennial event dahil sila ay kasalukuyang nasa top 10 ng kani-kanilang dibisyon. | JOHN RONALD GUARIN