Dismayado ngayon ang grupo ng Nalook, Pook, Caano, Estancia small farmers and home owners association (NAPOCACIA) matapos ang isinagawang ground breaking ceremony para sa Airport Resettlement Project nitong Biyernes.
Sa panayam ng
Radyo bandera Sweet FM Kalibo kay German Baltazar, spokesperson ng NAPOCACIA,
ikinagulat na lamang nito na ang relocation site ay sa Tigayon at hindi sa
Nalook Kalibo kagaya ng inaasahan nila.
Ito aniya ay
nakatago sa liblib na lugar at malapit sa ilog habang malayo rin ito sa
eskwelahan at airport.
Dahil dito,
marami pa aniyang dapat pag-usapan sa pagitan ng kanilang grupo at lokal na
pamahalaan ng Kalibo kung nagpatawag ang mga ito ng dayalogo.
Dagdag pa nito, sagutin umano ng alkalde kung bakit maliit ang housing dahil marami namang ahensya ang tumutulong para sa proyekto at ipakita aniya ng tama kung saan sila nararapat irelocate na lugar.
Giit pa nito,
nagsagawa na aniya ng bidding para sa housing ngunit hindi pa ito dumaan sa pakikipagdayalogo.
Ipinaabot din
nito na marami pa ring residenteng naapektuhan sa expansion ng Kalibo
International Airport (KIA) ang hindi pa nababayaran hanggang sa ngayon.
Samantala,
pinagsisikapan din umano ng grupo na maimbestigahan ang problema upang malaman
kung sino ang may pagkakamali habang hiniling din nito sa alkalde na masagot
ang kanilang reklmo. |
0 Comments