BRODKASTER SA COTABATO, PINAGBABARIL-PATAY

 

Patay ang isang brodkaster sa Cotabato City nitong Lunes, batay sa pahayag ng Presidential Task Force on Media Security (PTFoMS).

Ayon sa PTFoMS, kinilala ang biktima na si Mohammad Hessam Midtimbang, 32-anyos, host ng Bangsamoro Darul Ifta radio program sa Gabay Radio 97.7 FM.

Batay sa inisyal na imbestigasyon, pinagbabaril ang biktima sa Governor Guttierez Avenue sa nasabing lungsod.

Kaagad namang isinugod ang biktima sa ospital ngunit binawian din ng buhay.

Samantala, sinabi ni PTFoMS executive director Paul Gutierrez na nakipag-ugnayan ang task force sa Philippine National Police sa imbestigasyon. |Ni Jurry Lie Vicente