AKLAN, KABILANG SA 11 MGA LUGAR NA NAKITAAN NG EPEKTO NG EL NIÑO SA BANSA
Ni John
Ronald Guarin
Unti-unti
nang nararamdaman ang epekto ng El Niño phenomenon sa 11 mga probinsya sa bansa.
Ang mga
lugar na nakapag-rekord ng mababang lebel ng pag-ulan ay ang: Aklan, Capiz,
Zamboanga del Sur, Davao del Sur, Davao Occidental, South Cotabato, North
Cotabato, Sarangani, Sultan Kudarat, Basilan at Maguindanao.
Ayon sa
Philippine Atmospheric, Geophysical and Astronomical Services Administration
(PAGASA), nararanasan sa naturang mga probinsya ang ‘below normal’ na pag-ulan
sa loob ng dalawang buwan, at posible pang madagdagan ang numero ng mga
probinsya na makakaranas naturang epekto ng El Niño sa mga susunod na buwan.
Ipinaliwanag
naman ng ahensya na ang El Niño ay isang weather condition kung saan
nagpapakita ito ng mas mainit na temperature sa itaas na bahagi ng karagatan sa
bahagi ng central at eastern equatorial Pacific (CEEP).
Dagdag
pa ng PAGASA, magdadala ng negatibong resulta ang El Niño sa bansa lalong-lalo
na ang pagtuyo ng mga lupa sa iilang mga lugar.
Ngunit
sa kanlurang bahagi ng bansa tulad ng Western Visayas, posibleng magdala ang Habagat
season ng ‘above normal’ na pag-ulan.
(with reports from PhilStar)
0 Comments