₱100K NA PABUYA, ALOK NG SAN JOSE LGU PARA SA KINAROROONAN NG SUSPEK NA PUMATAY SA ARCHITECTURE STUDENT

 

₱100K NA PABUYA, ALOK NG SAN JOSE LGU PARA SA KINAROROONAN NG SUSPEK NA PUMATAY SA ARCHITECTURE STUDENT

Nagbigay na ng ₱100K na pabuya ang lokal na pamahalaan ng San Jose, Occidental Mindoro upang agad na matukoy ang sangkot sa pagkamatay ng isang architecture student.

Sa isang ulat, wala ng buhay at tadtad ng mga saksak ang biktima nang maabutan ito sa loob ng inuupahang apartment nitong Biyernes ng umaga sa Occidental Mindoro.

Nakilala ang biktima na si Eden Joy Villacete, 21-anyos at isang graduating student ng Occidental Mindoro State College.

Ayon sa imbestigasyon ng pulisya, nagtamo ng ilang mga saksak sa iba’t ibang bahagi ng katawan ang biktima at wala na rin itong suot na damit nang matagpuan na nakahiga sa kama.

Nawawala rin umano ang cellphone at laptop nito.

Pahayag ni Police Lieutenant Colonel Michael Donald Carnoso, hepe ng San Jose Police Station na malaki aniya ang posibilidad na ginahasa ang biktima.

Samantala, narekober naman ng mga imbestigador ang patalim na ginamit sa krimen habang patuloy pa imbestigasyon sa nangyari.

Ni Sam Zaulda

Ang balitang ito ay hatid sa inyo ng:

#D3BIO
#DTX500
#PURECEE
#DTXCOFFEEMIX

👉Mabibili Sa Lahat Ng Branch Ng Clinica De Alternativo At Sa Mga Nangungunang Botika Sa Inyong Lugar

Maaari ring umorder thru shopee:
🛒https://shopee.ph/clinicadealternativomedicina

For More Inquiries Call Us At: 0966-901-9208