PAGSUOT NG HINDI STANDARD NA HELMET NG MGA MOTORISTA, MAHIGPIT NA IPINAGBABAWAL NG KALIBO PNP

Kalibo MPS

 

Mahigpit na ipinagbabawal ng Kalibo PNP ang pagsuot ng substandard na helmet ng mga motorista sa bayan ng Kalibo.

Sa panayam ng Radyo Bandera Sweet FM Kalibo kay PLT. George Flores, hepe ng Kalibo MPS, sinabi nito na marami pa ring motorista ang gumagamit ng half-face at nutshell na helmet sa probinsya ng Aklan.

Ipinaliwanag din nito na hindi pwede sa motor ang naturang mga helmet sapagkat hindi nito kayang protektahan ang motorista.

Sa ngayon, patuloy aniya ang kanilang pagbibigay ng paalala sa mga motorista kaugnay sa R.A. 10054 o Helmet Law kung saan lahat ng motorcycle rider ay kinakailangang magsuot ng standard na helmet.

Nilinaw naman nito na ipinagbabawal din ang pagsuot ng mga substandard na helmet kahit na full-face ang mga ito.

Samantala, posibleng ipapatupad umano ang nasabing batas sa mga susunod na buwan kung kaya’t inaabisuhan ang mga motorista na mag-ipon at bumili ng standard na helmet dahil malaking tulong ito para sa kanilang kaligtasan.

|Jurry Lie Vicente

Ang balitang ito ay hatid sa inyo ng:

#D3BIO

#DTX500

#PURECEE

#DTXCOFFEEMIX

Mabibili sa lahat ng mga botika sa Aklan at sa Clinica De Alternativo Medicina and Wellness Center sa Refindor’s Building Osmenia Ave. Kalibo, Aklan.

Naga bandera it minatuod – tuod nga serbisyo publiko ag kalingawan sa probinsya it Aklan, RADYO BANDERA!