LALAKING NANG-SNATCH NG CELLPHONE, DAKIP SA IKINASANG HOT PURSUIT OPERATION NG NUMANCIA PNP

 

Interview with PCPT. Maricel Guevarra ng Numancia PNP

LALAKING NANG-SNATCH NG CELLPHONE, DAKIP SA IKINASANG HOT PURSUIT OPERATION NG NUMANCIA PNP

 

Ni Teresa Iguid

Dakip sa ikinasang hot pursuit operation ng Numancia Municipal Police Station ang isang lalaki matapos itong mang snatch ng cellphone, pasado alas-diyes kagabi.

 

Sa panayam ng Radyo Bandera News Team kay PCPT. Maricel Guevarra ng Numancia PNP, nabatid na nanunuod ng basketball tournament sa nasabing bayan ang hindi na pinangalanang biktima hawak ang kaniyang iPhone XS Max nang bigla na lamang itong hablutin ng suspek.

 

Kinilala ang suspek na si Uziel Solanoy, 31-anyos at residente ng Brgy. Dongon East, Numancia, na agad tumakbo palayo sa lugar matapos makuha ang cellphone.

 

Ayon kay Guevarra, sinubukan pa itong habulin ng mga nakakita ngunit hindi na naabutan, rason kung bakit agad naman itong ipinarekord ng biktima sa kanilang tanggapan.

 

Dahil dito, agad naman na rumesponde ang Numancia PNP katuwang ang mga Barangay Tanod sa lugar at matagumpay namang nahuli si Solanoy.

 

Nabatid din kay Guevarra na mayroon pang ilang mga insidente ng pagnanakaw sa nasabing bayan na ang suspek din ang pinaghihinalaang sangkot bagamat wala namang pormal na reklamo ang naiulat laban dito.

 

Sa ngayon ay hawak na ng mga otoridad ang suspek habang pursigido naman ang biktimang mag sampa ng kaso laban dito.

 

Samantala, nagpaalala naman si Guevarra sa publiko na maging alerto at maingat sa seguridad gayundin sa mga dinadalang gamit.

Ang bahaging ito ay hatid sa inyo ng:

#D3BIO

#DTX500

#PURECEE

#MIGHTYCEE

#DTXCOFFEEMIX

Mabibili sa lahat ng mga botika sa Aklan at sa Clinica De Alternativo Medicina and Wellness Center sa Refendor’s Building Osmenia Ave. Kalibo, Aklan.

Naga bandera it minatuod – tuod nga serbisyo publiko ag kalingawan sa probinsya it Aklan, RADYO BANDERA!