TYPHOON MAWAR, INAASAHAN NA MULING IBALIK SA PAGIGING 'SUPER TYPHOON'

 

Patuloy na ang paghahanda ng Pilipinas sa pagdating ng super typhoon ngunit inaasahang hindi ito magla-landfall at pananatiliin nito ang malalakas na pagbuhos ng ulan dulot ng habagat.

Bagama’t ibinaba ng PAGASA sa Typhoon category ang tropical storm na Mawar mula sa Super Typhoon ay inaasahan pa rin na muli itong ibalik sa super typhoon sa Mayo 25, araw ng Huwebes.

Ayon sa PAGASA, huling namataan ang bagyo sa 2,305 kilometers east ng Visayas at kumikilos ito sa pahilaga hilagang-kanluran sa bilis na 10 kilometers kada oras ngayong araw ng Miyerkules.

Sinabi pa ng PAGASA na papangalanang Betty ang bagyo na inaasahang papasok sa Philippine Area of Responsibility (PAR) sa Biyernes ng gabi o umaga ng Sabado.

Dahil dito, inabisuhan ng PAGASA ang publiko na tumutok sa pinakabagong updates ukol bagyong Mawar lalo na’t maaari itong magbago.

Samantala, posible ding magdeklara ang ahensya ng opisyal na pagsisimula ng tag-ulan sa mga susunod na araw.

|SAM ZAULDA

Ang balitang ito ay hatid sa inyo ng:

#D3BIO

#DTX500

#PURECEE

#DTXCOFFEEMIX

Mabibili sa lahat ng mga botika sa Aklan at sa Clinica De Alternativo Medicina and Wellness Center sa Refindor’s Building Osmenia Ave. Kalibo, Aklan.

Naga bandera it minatuod – tuod nga serbisyo publiko ag kalingawan sa probinsya it Aklan, RADYO BANDERA!