KING CHARLES III AT QUEEN CONSORT CAMILLA, KINORONAHAN NA BILANG KING & QUEEN NG BRITAIN

Ni Sam Zaulda

Opisyal nang kinoronahan bilang Hari at Reyna ng Britain si King Charles III at ang asawa nitong si Queen Consort Camilla.

Ginanap ang koronasyon nitong Sabado, Mayo 6 sa Westminster Abbey, London.

Ang 74-anyos na si King Charles ang panganay na anak nina Queen Elizabeth II at Prince Philip, Duke ng Edinburgh na pumalit sa trono bilang British Monarch matapos yumao ang kanyang ina noong Setyembre 8, 2022.

Kinilala ding oldest monarch na nagsuot ng 360-year-old St Edward’s Crown si King Charles.

Sa kabila nito, naging presente naman sa seremonya ang tagapagmana ni King Charles na si Prince William kasama ang asawa nitong si Kate Middleton at kanilang mga anak.

Gayundin, dumalo rin sa koronasyon si Prince Harry ngunit hindi nito kasama ang asawang si Meghan Markle at mga anak nito.

Dinagsa naman ng libo-libong panauhin mula sa iba’t ibang bansa ang nasabing lugar upang saksihan ang pagkorona sa bagong hari at reyna ng Britain.

Samantala, nabatid na halos 70 taong namuno bilang reyna si dating Queen Elizabeth II at itinuturing na Britain’s longest-reigning monarch.

Ang balitang ito ay hatid sa inyo ng:

#D3BIO

#DTX500

#PURECEE

#DTXCOFFEEMIX

Mabibili sa lahat ng mga botika sa Aklan at sa Clinica De Alternativo Medicina and Wellness Center sa Refindor’s Building Osmenia Ave. Kalibo, Aklan.

Naga bandera it minatuod – tuod nga serbisyo publiko ag kalingawan sa probinsya it Aklan, RADYO BANDERA!