EPEKTIBONG DRAINAGE PLAN PARA SA BAYAN NG KALIBO, TARGET NA MAHANAP NG LGU

 

Photo Courtesy: Kalibo VM Cynthia Dela Cruz 

Sinisimulan na ng lokal na pamahalaan ng Kalibo ang paghahanap ng ilang mga solusyon sa matagal na problemang kinakaharap ng nasabing bayan ukol sa mga baradong kanal.

Kung saan, nagiging dahilan ito ng pagbaha at pagtaas ng tubig sa mga mababang lugar sa munisipalidad.

Sa panayam ng Radyo Bandera Kalibo kay Vice Mayor Cynthia Dela Cruz, napansin nito mula sa kanilang pagsusuri kamakailan na mayroong mga kanal sa ilang barangay sa Kalibo ang barado at walang maayos na daluyan na nagiging dahilan ng pagtitipon ng tubig sa mga mababang lugar.

Kung kaya’t sinisimulan na nila ang paghahanap ng pondo at consultant na makakagawa ng mas epektibong drainage plan para sa bayan ng Kalibo.

Humihiling naman si Dela Cruz sa mga residente ng Kalibo na maglaan ng 1-2 meters na agwat ng lote ng kanilang bahay mula sa kalsada para sa paglalagyan ng kanal.

Samantala, napag-alaman na kasalukuyang nasa bansang Germany si Kalibo Mayor Juris Sucro upang personal na tingnan at pag-aralan ang Sewerage Treatment Plant (STP) at flood mitigation facilities ng naturang bansa.

Photo Courtesy: Kalibo Mayor Juris Sucro in Germany

|SAM ZAULDA

Ang balitang ito ay hatid sa inyo ng:

#D3BIO

#DTX500

#PURECEE

#DTXCOFFEEMIX

Mabibili sa lahat ng mga botika sa Aklan at sa Clinica De Alternativo Medicina and Wellness Center sa Refindor’s Building Osmenia Ave. Kalibo, Aklan.

Naga bandera it minatuod – tuod nga serbisyo publiko ag kalingawan sa probinsya it Aklan, RADYO BANDERA!